Plantun de Prouvènço

Pèr coumpara dos planto d'encò nostre

Ranunculus sceleratus & Symphyotrichum novi-belgii

Ranouncle(-di-fueio-d'àpi)

Ranunculus sceleratus

Ranunculaceae

Àutri noum : Renouncle, Jaunoun.

Nom en français : Renoncule scélérate.

Descripcioun :
Planto annalo que pau faire mai de 50 cm d'aut, de canau e di relarg umide. Si cambo soun bèn drecho e si fueio lusènto ; douno de pichòti flour jauno emé de gros carpello que fan uno gibo sus le dessubre. Li fueio soun de dos meno diferènto ; aquésti d'en bas soun un pau roundo e dounon d'èr à-n-aquéli de l'àpi, au contro de li d'en aut que soun coumpausado de tres partido lineàri.

Usanço :
Aquéu ranouncle, coume proun, es uno planto empouisounanto. Brulo la pèu e avisas-vous de lou pas manja qu'èi forço marrit pèr lou vèntre e li ren. Parèis que de lou manja fai veni un sourrire embefia.

Port : Erbo
Taio : 10 à 100 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 0,6 à 0,8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco :
Abriéu à setèmbre

Liò : Palun - Ribiero
Estànci : Mesoumediterran à Coulinen
Couroulougi : Bourealo
Ref. sc. : Ranunculus sceleratus L., 1753

Cabridello(-de Virginìo)

Symphyotrichum novi-belgii

Asteraceae Compositae

Noms en français : Aster de Virginie, Aster des jardins.

Descripcioun :
Tihous de saupre se sian en presènci de Symphyotrichum novi-belgii o de Symphyotrichum x salignum. Coume esplica dins la ficho de Symphyotrichum x salignum, la maje part d'aquésti cabridello soun de bastard de dos meno que nous vènon de l'Americo dóu Nord. Pamens d'ùni planto sèmblon pulèu à Symphyotrichum novi-belgii qu'istavo forço i'a quàuquis annado. Ansin li fueio soun mai largo (1 à 2,5 cm) e peréu li bratèio (1 mm) e li ligulo (1,5 à 2,5 cm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphyotrichum
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : Mesoumediterran à
Couroulougi : Pancaro entresigna
Ref. sc. : Symphyotrichum novi-belgii (L.) G.L.Nesom, 1995 (= Aster novi-belgii L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

ges

Ranunculus sceleratus & Symphyotrichum novi-belgii

ges

RRR

ges

Coumpara Ranouncle(-di-fueio-d'àpi) emé uno autro planto

Coumpara Cabridello(-de Virginìo) emé uno autro planto